Transformasi Eks UPK DBM (Dana Bergulir Masyarakat ) jadi BUMDesma (BUMDesa Bersama)

     Numutkeun amanah Undang Undang Cipta Kerja , Unit Pengelola Kegiatan atawa UPK  eks PNPM Mandiri Perdesaan  nu ngelola kegiatan perguliran dana masyarakat kudu dirobah jadi BUMDes bersama, nu numutkeun aturan ngabentukna geus diberelekeun dina Permendesa No 15 Taun 2021. Istilah dirobah supaya rada gaul jeung istilah nu nyebar cuang ganti w jadi frasa transformasi.

    Aya opat poin numutkeun amanah Permendesa 15 2021 nu kudu ditransformasikeun ,

Kahiji, Transformasi Asset

Kadua, Transformasi Personil

Katilu Transformasi Manajeman

Kaopat, Transformasi Kagiatan

    Balik kana frasa transformasi, sok ras inget kana carita fiksi film transformer, kana film saras 008, eta saras mun geus ngagorowok "berubah !!, langsung robah wujud langsung robah kamampuana oge, malah bisa ngapung sagala rupa., ngalantur saeutik lur

    Kaasup di desa kuring UPK nu ku kaparigelan pangurus na nu rata rata mah eks aktivis PNPM , ayna geus nepika ngabogaan asset 6 Milyar, nu awal ngabentukna ku modal 140 juta an, Ruaar biasaa ceuk kuring mah. Ayna kudu transformasi jadi BUMDes Bersama . Ulah salah kaprah, aya nu nyebut bagi bagi keureutan kueh,,lain berarti jadi milik pamarentah  coy, ieu aset disebutna milik bersama masyarakat . Sok riweuh ah..

Cag hla kediteruskeun deui lur

    

    

Sawindu Undang Undang Desa _NGAWANGUN RELASI DESA - KOTA

     Taun 2014 Undang Undang Desa ges diketok di gedong DPR, jadi mun ngitung kala mah nepika ayna geus kana 8 taun alias sawindu  ieu undang undang mayungan desa secara hukum , desa salaku kesatuan masyarakat hukum jeung saterusna numutkeun definisi desa nu ditulis dina pasal UU No 6 Taun 2014.

    Ges nepi kamana atuh danget ayna kamajuan desa teh? apanan ayna mah desa teh dibiayaan unggal taun ku nu disebut Dana Desa, nu ceuk bapa presiden mah triliunan digelontorkan  ti APBN dialokasikan untuk Desa bahkan tiap taun anggaran Dana Desa terus meningkat ,, demi desa jeung kamajuana.😉

    Balik kana kamajuan desa, lur,, nu kumaha atuh anu disebut desa nu maju teh? naha desa nu siga kota atawa nu kumaha?  numutkeun kuring ieu peryogi dirumuskeun ,, lur. sabab mun nilik kana anu disebut IDM atawa Indek Desa Membangun, indikator Desa nu diharepkeun teh siga nu hayang mangrupaan  kota. Bet naha nya? Kuring nu salah persepsi kitu? 😚,, sabab desa jeung kota apanan beda, beda karakter beda sifat, sok sanajan desa jeung kota boga relasi atawa hubungan nu teu bisa dipisahkeun,, conto sederhana be, hasil tatanen kota apanan dipasok na ti desa, pakean di desa meulina apanan ti kota. 

      Singgetna tolak ukur kamajuan desa kudu boga indikator sorangan nu pendekatana kana nilai nilai sosial desa eta sorangan

Cangkeul nepika dieu heula w nya

....kediteruskeun lur

Ciamis Pilkades Serentak 2020 Vs Covid 19

    Sabaraha poe kahareup bapa bupati Ciamis nu ayna,  nyaeta Bapak Dr H Herdiat Sunarya , bakal ngaisteranan atawa ngalantik 143 urang Kepala Desa nu kapilih dina Pamilihan Kepala Desa 19 Desember 2020 sabulanan katukang,kaasup di desa kuring lembur maneuh  tempat banjar karang pamidangan, Desa Cibeureum.

    Opat urang calon tandang makalangan, anu dina kompetisi demokrasi ieu dimeunangkeun ku nonoman  umur 35 an, wasta Ayi Hidayat. anjeuna meunang telak 53% tina suara sah ngaleledkeun beubeunangan sora 3 lawana. Ieu nonoman tadina icikibung di pamarentahan desa kapeto jadi Ketua BPD (Badan Perwakilan Desa). Lulusan Uninus ieu memang samemehna geus digadang gadang jadi calon nu pininjul dina ngaraup sora. Kaasup luar biasa memang, tina 13 TPS manehna ampir nguasai sora.Kaasup unggullah sanajan dina TPS eta aya lawan. inilah demokrasi bro..kitu cenah mun ceuk alo kuring nu ker SMA keneh mah.

    Pamiarsah,,,sakadar pengumuman  hehe ,,kuring salah saurang tina rengrengan kapanitian ieu pilkades, ampir sataun lur ..jadi panitia, tapi dihonoran namah ngan 5 kali asana mah,,,iklas lah demi bumi pertiwi ,,hhuhuyyy... perjalanan ieu pilkades ditunda nepika dua kali lur,nya teu kudu dicaritakeunlah memang kabeh apal ku alatan Covid 19, nu dramatis mah penundaan nu kadua ,,isukna rek pencoblosan,,jol surat ti panitia kabupaten,,PILKADES DITUNDA sampai dengan batas waktu yang belum bisa ditentukan,, atuuhh panitia di desa kaasup kuring karororoncodan disarerang ku tim calon,,,,singkat carita Panitia desa nu diluluguan ku H Iyar Tamaswara salaku Ketua Panicia , ngagurug demo tiditu na mah ka kantor DPRD lanjut ka Pendopo Ciamis,,,. ramelah dina koran dina medsos ge beritana .

    Dina 19 Desember , jol surat bapa bupati pikeun ngalanjutkeun tahapan, derrr w geus kitu mah, pencoblosan dibarengan ku prototokol Covid 19,, 

    Alhamdulillah ayna desa kuring boga kuwu anyar, mugia leuwih nanjeur leuwih inovatif leuwih kreatif dina mupuhuan pangwangunan di desa kuring,, mugia baldatun toyibatun warobun gofur... cag ah cangkeul ngetikna.😀

 

Mapag Calon Inohong

Sampurasun..

alieuh lurr,,, teu karasa, asa kamari lima taun katukang nagara urang hajat demokrasi, nya pemilihan umum tea, nincak taun ayna ges nepi deui kana hajat rutin lima taunan ieu.

sanajan kitu kuring tetep renggenek miharep hasil tina ieu hajatan teh ngalahirkeun sistem nu matak piwaluyaeun nanjeurna lemah cai ,,Indonesia , salian ti eta ngaliwatan ieu hajatan demokrasi bisa ngalahirkeun para inohong , para pamingpin nu amanah ,cinta ka lemah cai tur asih karahayatna.

naon deui atuh,?? ulah nepika nu enggeus enggeus aya carita habis manis sepah dibuang , teu cara ker perluna mere sora sangkan meunang, geus meunang ongkang ongkang ,teu inget kapurwadaksi. ceuk sinyoh mah Good bye sajahhhh....

nu anyar dina ieu hajatan pileg pilpres dihijikeun dina sawaktu nyatana 17 April 2019

kade ah lur ulah poho indit ka TPS,,salurkeun hak urang salaku warga nagara 

nya kitu w lur heula anan, itungan mukadimah ti pilemburan dina ieu taun pulitik,,,

BABASAN JEUNG PARIBASA SUNDA

Paribasa Sunda... ngamimitian tina A :

Adam	1.	Adam lali tapel Hartina : Poho ka baraya jeung poho ka lemah cai
Adat	2.	Adat kakurung ku iga Hartina : Adat hese digantina
Adean	3.	Adean ku kuda beureum Hartina : Beunghar ku barang titipan atawa ginding ku pakean batur
Adigung	4.	Adigung adiguna Hartina : Gede hulu, boga rasa leuwih ti batur, kaciri dina laku lampahna jeung omongana
Ajak	5.	Ajak Jawa Hartina : Ngajak nu henteu saenyana, henteu jeung hate ngan ukur papaes supaya ngeunahan batur
Ajul	6.	Ngajul  bulan ku asiwung Hartina : Usaha nu mubadir, moal ngadatangkeun hasil
Adu	7.	Ngadu angklung di pasar Hartina : Papaduan nguruskeun nu euweuh mangfaatna haruepeun jalma loba
	8.	Ngadu ngadu rajawisuna Hartina : Mawakeun omongan si A ka si B, oge carita si B dipulihkeun deui ka si A, Temahna si A jeung si B parasea. Parea rea beunang jeung parea rea omong.
Agul	9.	Agul ku payung butut Hartina : Ngagulkeun luluhur sorangan
Aya	10.	Aya astana sajeungkal Hartina : Anu mustahil oge kajadian.
	11.	Aya jalan Komo meuntas Hartina : Eukeur mah aya maksud, turug turug aya pilantaraneun atawa pijalaneun
	12.	Aya bagja teu daulat Hartina : Arek meunang bagja atawa kauntungan, tapi teu tulus
	13.	Aya peurah Hartina : Aya komara, aya harga, aya pangaji
Ayakan	14.	Ayakan tara meunang kancra Hartina : Nu bodo jeung nu pinter moal sarua darajatna jeung panghasilanana
Akal	15.	Akal koja Hartina : Pinter dina kagorengan atawa kajahatan
	16.	Mun teu ngakal mual ngakeul Hartina : Mun teu usaha moal pinanggih jeung rejeki
Aku	17.	Aku panggung Hartina : Darehdeh jeung mere maweh ngan hanjakal ku ieu aing, asa pangpunjulna, pangbeungharna
	18.	Aku aku angga Hartina : 1. Ngaku barang batur kalawan boga maksud hayang mibanda                  2. Ngaku baraya batur anu beunghar atawa jeneng kalawan aya                      pangarahan , mamrih kahormatan atawa kauntungan
Aki	19.	Aki aki tujuh mulud Hartina : Lalaki nu geus kolot pisan
Alak	20.	Alak paul Hartina : Tempat nu lain di kieuna, jauhna jeung pisusaheunana
Alak alak	21.	Alak alak cumampaka Hartina : 1. Resep jeung hayang dipuji ku batur boga rasa pangpunjulna 2. Nu handap hayang nyaruaan nu luhur
Alang	22.	Teu puguh alang ujurna Hartina : Teu puguh entep seureuhna, teu beres, lain kitu kuduna.
Alus	23.	Alus panggung / Alus laur = Alus laur hade ome Hartina :Tegep dedeg pangadegna
Ambek	24.	Ambek nyedek tanaga midek Hartina : Ari napsu pohara gedena ngan hanjakal teu ka untup ku tanaga
Ambeu	25.	Seukeut ambeu sekeut panon Hartina : Loba mata mata na jeung pinter nyusud perkara, nepika perkara nu kumaha bae bisa kabongkar
	26.	Teu diambeuan Hartina : Teu dipikaserab teu dipikasieun
Amis	27.	Dipiamis buah gintung Hartina : Disangka hade jeung bageur tapi buktina goreng jeung jahat
Anak	28.	Anak emas Hartina : Budak nu kacida dipikanyaahna
	29.	Anak merak kukuncungan Hartina : Sifat sifat aya dianak, sasarina loba nu diturunkeun ku kolotna.
	30.	Anak puputon Hartina : anak nu kacida didama damana, nu pohara dipikanyaahna.
Anjing	31.	Anjing ngagogogan kalong Hartina : Mikahayang nu lain lain nu pamohalan pilaksanaaeun
	32.	Nulungan anjing ka dempet Hartina : Nulungan jalama nu teu boga rasa tumarima
	33.	Beuteung anjingeun Hartina : Ngeunaan beuteung jelma nu beuteungna siga beuteung anjing
Andon	34.	Tikoro andon peso Hartina : Ngadeukeutan jalma nu bakal ngahukum atawa nganyenyeri ka urang
Anteur	35.	Paanteur anteur julang Hartina : Silih anteur make aya dua tilu kalina
Aub	36.	Aub payung, sabet sapon, sabasoba Hartina : Wewengkon ngeunaan tanah
Areuy	37.	Ngadaweung ngabangbang areuy Hartina : Pohara nieung na kana zaman nu geus ka sorangbnepika matak waas pacampur jeung sedih
Ari	38.	Ari umur tunggang gunung, angen angen pecat sawed Hartina : Umur geus luhur, hate mah ngongoraeun keneh
Asa	39.	Asa ditonjok congcot Hartina : Meunang kabungah gede nu teu diarep arep
	40.	Asa nanggeuy endog beubeureumna Hartina : Kacida nyaahna
	41.	Asa potong leungeun katuhu Hartina : Leungiteun jelma nu pohara hade gawena
	42.	Asa tungkeb bumi alam Hartina : Rarasaan jalma nu keur pohara bingungna , poek pipikiranana
	43.	Henteu asa jeung jiga Hartina : Teu asa asa teu asa ka deungeun deungeun asa ka dulur bae, lantaran geus lila babarengan
Aseupan	44.	Tamplok aseupan Hartina : Nurun sagemblengna ka anak boh dedegana boh tingkah polahna
Asih	45.	Nu asih di pulang sengit , nu haat dipulang moha Hartina : Nu hade jeung loba jasana ka diri urang dinyenyeri ku urang, ku omongan atawa kalakuan
Ateul	46.	Ngaliarkeun taleus ateul Hartina : Ngabeja bejakeun kagorengan atawa kajahatan anu lian
Ati	47.	Ati mungkir beungeut nyanghareup Hartina : Siga suka tapi henteu, siga bageur tapi henteu , cindekna omongan jeung kereteg hate teu sarua
	48.	Ati putih badan bodas Hartina : Beresih hate teu aya geuneuk maleukmeuk
Acak	49.	Ngacak ngebur Hartina : Rek make naon bisa , sabab geus aya jeung sadia
Awak	50.	Awak sabeulah Hartina : Teu ririmbitan, teu boga salaki atawa pamajikan
	51.	Awak sampayeun Hartina : Make pakean nu kumaha bae oge katempo alus
Awur	52.	Ngawur kasintu, nyieuhkeun hayam Hartina : Ngaraeh jeung darehdeh ka dengeun sabab hayang dipuji, tapi teu nolih jeung nyapirakeun ka dulur baraya

Taun Pulitik

Taun 2014 nyaeta taun politik,sabab ditaun ieu pisan lumangsungna dua pagelaran pamilihan ,,nyaeta wakil rakyat anu ceuk Mang Tarsa mah... tatangga kuring ,,,milih caleg cenah... jeung milih Presiden,,, dua-duana Ulil Amri....kusabab kitu dina alam demokrasi,,,konsekwensi tina sistem demokrasi tea nu dianut ku bangsa urang,,, sagala macem dikaitkeun jeung urusan politik,,nu lewih melang jeung hariwang sagala hal dipolitisir. Beda baju,,,dikaitkeun,,,, beda cet imah dikaitkeun,,,beda diuk diwarung oge dikaitkeun,,, heuheuy..... Ninggang dimasyarakat awam nu lolobana cicing dipadesaan,,palauuuur,,,, dampakna ,,,. Nu dipiharep ieu para calon Ulil Amri teh mugia sing bisa neuleuman ngamaknaan tujuan nu sabenerna,,,, nyaeta Baldatun Toyibatun Warobungofur... Cag ah...ke disambung deui.

Sampurasun Lembur

        Lembur kuring,,asa rada harengheng , nyanghareupan pesta demokrasi Pemilu 2014, utamana Pemilu Legislatif. Nu geus kadenge ayeuna aya kurang leuwih 10 (sapuluh)  urang -ti sakacamatan, nu geus ngadaftarkeun dirina pikeun makalangan dina pamilihan anggota dewan  di kabupaten. -pikeun gambaran: sa kacamatan, nu ngabogaan hak pilih (kacatet dina DPT pamilihan gubernur) kurang leuwih 17.000 urang, sedengkeun   angka partisifasina kurang leuwih 12.000 urang -. Pikeun itung itungan adiladilan mah -mun bisa eta ge adiladilan - mun 12.000 sora dibagikeun ka 10 urang , hartina saurang meunang 1200 sora. sedengkeun numutkeun itungan prosentase BPP pikeun meunang korsi jang diuk di gedong dewan kabupaten, kudu meunang kurang leuwih 5000 sora, jadi mun hayang meunang korsi kabeh ti lembur kuring, masing masing caleg (calon anggota legislatif) kudu neangan 3500 sora deui ti kacamatan lain nu sa dapil (daerah pamilihan), hag siah... 

      Sanajan kitu,,,hiji kareueus jang kuring mah, sabab urang lembur ,, ayeuna geus loba nu wani mintonkeun dirina makalangan dina pesta akbar nu kacida nangtukeunana pikeun maju mundurna hiji bangsa. Sanajan kitu,,-sigana lain kuring wungkul- masih keneh dina sirah mah ngangkaruk pikiran ,"hayang korsi jabatan meh diagung agung ku urang lembur  bari jeung ngahakan gaji buta wungkul atawa bener bener rek merjoangkeun aspirasi masyarakat pikeun kamajuan balarea?. Ah teuing ..palalaur kuring mah mun enya kitu teh , mudah mudahan wae lain kitu.. baid..baid..

         Cag ah , yu batur sa lembur...urang ngadoa sabisa bisa sangkan repeh rapih aman lancar